Дариға Бадықова бейтаныс келіншекке кинотеатрда гендер пати жасап берді (видео)
Жарияланған күні:
Қазақстандық танымал актриса әрі кинопродюсер Дариға Бадықова "Таптым-ау сені–2" фильмінің тұсаукесерінде бейтаныс көрерменіне гендер пати жасап берді. 10 жыл сәби күткен ерлі-зайыптының қуанышына дүйім жұртшылық куә болды, деп жазады KAZ.NUR.KZ.
Дариға Бадықова фильмінің тұсаукесері қарсаңында жүкті келіншектерге үндеу жасап, олардың біреуіне ерекше гендер пати жасап беруге уәде еткен. Кинопродюсер сол сөзінде тұрып күні кеше Алматыда кинотеатрда Перизат есімді келіншекке көпшілік алдында "жыныс party" ұйымдастырды.
Белгілі болғандай, аталмыш жұп бұл сәбиін 10 жыл күткен. Ерлі-зайыптының "Таптым-ау сені–2" фидьмінің тұсаукесеріне келген халықтың көзінше шарды жарып, ұлды болатынын білген.
"10 жыл перзент күткен Перизат ханымға гендер пати өткізіп бердім. Баршаңызға осындай керемет жаңалық жұғысты болсын", - деп жазды Бадықова Instagram-дағы парақшасында.
Мақаланың түпнұсқасы: https://kaz.nur.kz/showbiz/2194244-dariga-badyqova-beitanys-kelinshekke-kinoteatrda-gender-pati-zhasap-berdi-video/
