Димаш Құдайберген әлемге әйгілі әншімен Лондонда өнер көрсетеді
Опубликовано:
Қазақстандық әнші Димаш Құдайберген бельгиялық әнші Лара Фабианның Voices туры аясындағы концертінде өнер көрсетеді, деп хабарлайды KAZ.NUR.KZ.
Бұл туралы ақпарат OVO Arena Wembley-дің Instagram парақшасында жарияланған. Концерт Лондондағы OVO Arena Wembley сахнасында өтеді.
"Екі феномальды әртіс", - деп жазылған парақша хабарламасында.
Айта кетейік, жуырда Димаш Құдайберген желідегі парақшасында жаңа бейнебаяны туралы хабармен тыңдарманын қуантты.
"Достар! 15 мамырда сағат 20:00-де (Астана уақыты) YouTube желісінде "Тау ішінде" бейнебаяны жарық көреді! Премьера құрметіне – челлендж: бейнебаянмен байланысты ең көп қаралған және қызықты видеоға қомақты сыйлық беріледі!" - деді әнші.
Челленджге қатысу үшін 30 секундтық видеоны TikTok немесе Instagram желісінде "tauishindechallenge" хэштегімен 8-25 мамыр аралығында жариялау керек, деп түсіндірді әнші.
Өнерпаз челлендждің қорытындысын 26 мамырда Алматыда өтетін фан-кездесуде шығаратынын атап өтті.
"Жүлде - жеңімпазға өз қалауынша менің жеке концертіме жолдама сыйға тартылады (Барселона, Берлин, Лондон, Рига). Ұшақ билеті мен қонақ үй құны ұтыс ішіне кіреді", - деп жазды Димаш.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/career/2243559-dimash-qudaibergen-alemge-aigili-anshimen-londonda-oner-korsetedi/