"Зал тік тұрып қол соқты": Таңатаровтың концертінде Нұрғали Нүсіпжановқа кәсіпкер тосынсый жасады (видео)

Әнші Досымжан Таңатаровтың Астанада өткен концертінде аңыз әнші Нұрғали Нүсіпжановқа елордалық кәсіпкер екі бөлмелі пәтер сыйлаған. Бұл туралы журналист Айнұр Омар желідегі парақшасында жазды, деп хабарлайды KAZ.NUR.KZ.

"Біздің елдің жігіттері жігіттердің төресі! Досымжан Таңатаровтың концертінде ән салған Нұрғали Нүсіпжановқа астаналық кәсіпкер екі бөлмелі пәтер сыйлады. Зал тік тұрып қол соқты.

Нұрғали аға Досымжанға ырымдап өз шапанын жапты, ал Досымжан пәтер сыйлаған жігітке үстіндегі шапанын кигізіп жіберді. Қандай әдемі дәстүр, иә. Бизнесмен кісіні танымадым, азамат екен!" - деп жазды журналист Instagram-дағы парақшасында.

Желі қолданушылары құтты болсын айтып, мәрттік танытқан азаматқа алғысын жаудырды.

"Қандай ғажап!", "Азамат екен", "Кәсіпкер жігіт ер екен!", "Досымжанға да, кәсіпкер жігітке бас иемін! Аңыз ағаны тірлікте құрметтеген!", "Бәрекелді! Нұраға аман болсын! Алла күш-қуат берсін!", "Құтты болсын! Ақсақал абызын құрметтеген текті халықтың ұрпағымыз", - деп жазған желі оқырмандары.