Танымал актер Еркебұлан Дайыров халықаралық сыйлықтың лауреаты атанды (фото)

Белгілі актер Еркебұлан Дайыров "Келешек мұрасы" сыйлығының лауреаты атанды, деп хабарлайды Ақордаға сілтеме жасаған KAZ.NUR.KZ.

Мемлекет басшысы Қасым-Жомарт Тоқаев Өзбекстанға мемлекеттік сапары кезінде Әзербайжан және Орталық Азия елдерінің президенттерімен бірге "Келешек мұрасы" халықаралық сыйлығын тапсыру рәсіміне қатысқан.

Өзбекстан президенті Шавкат Мирзиеевтің айтуынша, биыл тағайындаған бұл сыйлық дәстүрді жаңғыртуға, өнерді дамытуға, сондай-ақ ұлттық рухани мұраны насихаттауға елеулі үлес қосқан мәдениет қайраткерлеріне беріледі.

Осы орайда қазақ актері Еркебұлан Дайыров "Театр және кино" аталымы бойынша "Келешек мұрасы" сыйлығының лауреаты атанған.

Актер әлеуметтік желідегі парақшасында бұл сыйлық туралы пікір білдіріп, көрермендерге алғысын айтты.

"Аллаға да, адамға да алғысым шексіз! Мен жақсы болған соң емес, сіздер жақсы болған соң еңбегім жанып жүрсе керек", - деп жазды Еркебұлан Дайыров.

Мәтіннен қате тапсаңыз,бізге жазыңыз