Димаштың түрік тіліндегі әні шетелдік iTunes хит-парадтарында көш бастады

Қазақстандық әнші Димаш Құдайбергеннің жаңа авторлық әні бірнеше елдегі iTunes чарттарында көш бастады. Бұл туралы әнші Instagram-дағы парақшасында жазды, деп хабарлайды KAZ.NUR.KZ.

Күні кеше Димаш Құдайберген өзі музыкасын жазған түрік тіліндегі әнін тыңдарман назарына ұсынды. "Yazgı" деп аталатын туынды тыңдарманның ықыласына бөленіп, бірқатар елдің iTunes музыкалық чарттарында бірінші орынға шықты.

"Менің жаңа "Yazgı" әнім iTunes чарттарының көшін бастап тұр. Венгрияда – №1, Румынияда – №1. Латвияда үздік үштікте.

Әр тыңдалым, әр сатылым және жылы лебіз менің туындымның бүкіл әлем бойынша тыңдарман табуына көмектеседі.

Махаббат пен сенімдеріңіз және үнемі қолдау көрсетіп келе жатқандарыңыз үшін алғыс айтамын. Бұл жетістік – бәріміздің ортақ еңбегіміз!" - деді Димаш.

"Сіңірген еңбегің мен махаббатыңмен ең жақсыға лайықсың, сен ерекше жансың, жаныңмен шырқайсың", "Димаш, тамаша әніңе тәнтімін", "Ән өте әдемі. Осы сыйлығың үшін рақмет", "Бұл әдемі әнді Spotify-да да, YouTube-те де тыңдап жүрмін! Рақмет!" - деп жазуда жанкүйері.

Посмотреть эту публикацию в Instagram

Публикация от Dimash Qudaibergen (@kudaibergenov.dimash)

Мәтіннен қате тапсаңыз,бізге жазыңыз