Димаш Құдайберген 700 метр тереңдіктегі жер астына түсті (видео)

Қазақстанның халық әртісі, отандық әнші Димаш Құдайберген Қарағандыдағы концертінен кейін шахтерлерді кәсіби мерекесімен жеке құттықтады, деп хабарлайды KAZ.NUR.KZ.

Димаш әлеуметтік желіде жаңа жазба жариялады. Қарағандыда өткен Шахтерлер күніне арналған концертке 250 мыңға жуық адам жиналды. Концерттен кейін әнші шахтаға барды.

"700 метр тереңдіктегі жер астына түстім. Шахтерлердің қандай жағдайда жұмыс істейтінін, бұл еңбектің қаншалықты қиын әрі жауапты екенін өз көзіммен көрдім.

Маған шахта жұмысын, адамдардың жер астындағы орналасқан жерін бақылауға мүмкіндік беретін заманауи қауіпсіздік және позициялау жүйелерін көрсетті. Шахталардың жаңарып жатқаны қуантады.

Бірақ ең бастысы – шахтерлермен жеке кездесіп, оларды кәсіби мерекелерімен құттықтаудың сәті түсті.

Бұл мамандық иелеріне деген құрметім шексіз. Сіздердің еңбектеріңіз ерекше мақтауға лайық! Шахтерлер күні құтты болсын! Дендеріңізге саулық, отбасыларыңызға амандық және қауіпсіз ауысым тілеймін!", - деп атап өтті ол.

Димаштың жанкүйерлері әншінің бұл әрекетіне тәнті болып, оған денсаулық пен шығармашылық шабыт тіледі.

Посмотреть эту публикацию в Instagram

Публикация от Dimash Qudaibergen (@kudaibergenov.dimash)

Мәтіннен қате тапсаңыз,бізге жазыңыз