"Өрмекші адам: Жаңа күн" Солтүстік Америка прокаты тарихындағы ең көп касса жинаған фильм атанды

Variety басылымының жазуынша, Sony мен Marvel компанияларының блокбастері 936,7 миллион доллардан астам қаржы жинап, "Жұлдызды соғыстар: Күштің оянуы" картинасының рекордын жаңартты, деп жазды KAZ.NUR.KZ.

Басты рөлде Том Холланд ойнаған "Өрмекші адам: Жаңа күн" (Spider-Man: Brand New Day) кинокомиксі Солтүстік Америка прокатында абсолютті тарихи рекорд орнатты. Экранға шыққан 47-күні фильм АҚШ пен Канадада 936,773 миллион доллар жинап, он жылдан астам уақыт бойы көш бастап келген 2015 жылғы "Жұлдызды соғыстар: Күштің оянуы" (936,66 миллион доллар) лентасын басып озды.

Суперқаһармандық жобаның режиссері – Дестин Дэниел Креттон. Питер Паркер туралы хикаяның жаңа бөлімі кинотеатрлардағы алғашқы демалыс күндері-ақ 360 миллион доллар жинап, рекордтық нәтиже көрсетті және 700, 800, 900 миллион долларлық межелерден жылдам асты. Қазіргі таңда картинаның әлемдік кассалық түсімі 2,45 миллиард долларға жетіп, әлемдік кинематограф тарихындағы ең көп табыс тапқан фильмдер тізімінде "Аватар" мен "Кек алушылар: Финалдан" кейінгі үшінші орынға жайғасты.

Lucasfilm студиясы "Өрмекші адам" түсірілім тобын тарихи жетістігімен құттықтап, Sony Pictures және Marvel Studios компанияларына ресми құттықтау жолдады. Киноиндустрия сарапшылары лентаның табысы өткен маусымдардағы сәтсіз релиздерден кейін прокат нарығының көрсеткіштерін қайтадан жоғары динамикаға шығарғанын атап өтті.

Мәтіннен қате тапсаңыз,бізге жазыңыз