"Звездные войны" франшизасының жаңа режиссері кім екені белгілі болды

The Hollywood Reporter басылымының хабарлауынша, "Өрмекші адам" трилогиясының режиссері Саймон Кинбергтің жаңа трилогиясының бірінші бөлімін түсіреді, деп жазды KAZ.NUR.KZ.

Басты рөлде Том Холланд ойнаған "Өрмекші адам" трилогиясы арқылы танымал болған режиссер Джон Уоттс "Звездные войны" киноәлеміндегі келесі фильмнің қоюшы режиссері болып тағайындалды. Бұл картина 2024 жылдың соңынан бері сценарийін Саймон Кинберг жазып жатқан жаңа трилогияның алғашқы бөлімі болмақ. Кинберг бұған дейін "Люди Икс" франшизасы мен "Звездные войны: Повстанцы" мультсериалын түсіруге ат салысқан.

Жоба 2019 жылы тоғызыншы эпизодпен аяқталған Скайуокерлер туралы негізгі саганың тікелей жалғасы ретінде жоспарланған. Дереккөздердің мәліметінше, жаңа фильмде Дэйзи Ридли сомдаған кейіпкер — Рей Скайуокердің пайда болуы көзделіп отыр. Lucasfilm студиясы әзірге фильмнің атауы, актерлік құрамы мен шығарылым күні туралы ресми хабарлама жасаған жоқ, алайда жоба белсенді әзірлеу сатысында.

Джон Уоттс үшін бұл ғарыштық франшизамен алғашқы жұмыс емес. 2024 жылы ол Disney+ сервисіне арналған "Звездные войны: Опорная команда" сериалының тең авторы және режиссері болды. Бұған дейін режиссер Брэд Питт пен Джордж Клуни ойнаған "Одинокие волки" криминалдық триллерін түсірген. Уоттстың жаңа туындысы Шон Левидің Райан Гослингпен бірге түсірген және 2027 жылдың мамырына жоспарланған "Звездные войны: Звездный истребитель" фильмінен кейінгі студияның келесі ірі кинотеатрлық релизі болады деп күтілуде.

Мәтіннен қате тапсаңыз, бізге жазыңыз