Sony "Человек-паук: Новый день" фильмін бұрын қиылып тасталған көріністермен қайта прокатқа шығармақ

The Hollywood Reporter басылымының жазуынша, фильмнің жаңартылған нұсқасына Marvel сериалдарындағы Клэр Темпл рөлін сомдаған Розарио Доусон қатысқан эпизодтар қосылады, деп хабарлады KAZ.NUR.KZ.

Киностудия "Человек-паук: Новый день" суперқаһармандық блокбастерін қайта прокатқа шығаруға дайындалуда. Салалық басылымдардың хабарлауынша, картинаның жаңартылған нұсқасына бұрын көрсетілмеген архивтік көріністер мен түпнұсқа кинотеатрлық релизге енбей қалған хронометраж қосылады.

Кеңейтілген нұсқаның басты ерекшеліктерінің бірі – актриса Розарио Доусонның көрінуі. Бұған дейін Netflix-тің Marvel сериалдарында медбике Клэр Темпл рөлін сомдаған актриса фильм түсіріліміне қатысқанын растаған болатын, алайда бірінші релиздің соңғы монтажына ол енбей қалған еді. Қолда бар мәліметтерге сәйкес, Доусон қатысқан эпизод басты кейіпкердің ауруханада болуымен байланысты.

Фильмді кинотеатрлық прокатқа қайта шығару туралы шешім Marvel студиясының "Мстители: Финал" картинасының арнайы релизі көрсеткен табысты нәтижелер аясында қабылданып отыр. Қазіргі таңда "Человек-паук: Новый день" бүкіл әлем бойынша жоғары кассалық түсім көрсетуді жалғастыруда және цифрлық платформаларда шығуға дайындалуда.

Мәтіннен қате тапсаңыз, бізге жазыңыз