Lucasfilm студиясының экс-президенті "Звездные войны" франшизасының сатылуы туралы алғаш рет пікір білдірді

Киностудияның бұрынғы президентінің айтуынша, Джордж Лукас франшизаны өзгелерге сатуды бастапқыда жоспарламаған. Бұл туралы The Blast басылымына сілтеме жасаған KAZ.NUR.KZ хабарлады.

Lucasfilm студиясының президенті қызметінен кеткен продюсер Кэтлин Кеннеди компаниядағы жұмысы мен "Звездные войны" медиафраншизасына құқықты беру мәмілесіне қатысты алғаш рет көпшілік алдында пікір білдірді. Лос-Анджелесте өткен Bloomberg Screentime іс-шарасында ол 2012 жылы ғаламның авторы Джордж Лукас өз киностудиясын тек The Walt Disney Company корпорациясына ғана сатуға келіскенін мәлімдеді.

Кеннеди Disney құрамына өту франшизаны одан әрі дамыту үшін тамаша қадам болғанын, алайда жанкүйерлердің жоғары үмітіне байланысты үлкен жауапкершілік жүктегенін атап өтті. Лукастың жаңа трилогияға дайындап үлгерген жұмыстары туралы қауесеттерге тоқталған продюсер түсірілім басталғанға дейін студияда толыққанды сценарийлер емес, тек оның идеялық нобайлары жазылған бірнеше мәтіндік абзац қана болғанын нақтылады.

Қызметінен кетуі туралы айта келе, Кеннеди басшылық лауазымнан кеткеннен кейін жеңілдеп қалғанын мойындады, сонымен бірге 14 жылдық жұмыс барысында қабылдаған бірде-бір шешіміне өкінбейтінін баса айтты. Қазіргі уақытта Lucasfilm-ді басқару құқы Дэйв Филони мен Линвен Бреннанға өтті. Сонымен қатар Кэтлин Кеннеди студиямен жекелеген толықметражды жобалардың продюсері ретінде ынтымақтастықты жалғастырады.

Мәтіннен қате тапсаңыз, бізге жазыңыз