"Victoria`s secret- 2018": Әлемнің ең сұлу модельдері бір подиумда кездесті

"Victoria`s secret" көрсетілімі жылдан-жылға көпшілікті күтпеген қызықтармен таңғылдырып келеді. Биыл да бұл шоу ел назарынан тыс қалмады. Іш киім брендінің ең үздік образдарын осы жылы Джиджи Хадид, Кендалл Дженнер, Адриана Лима сынды танымал модельдер көрсетті деп жазады spletnik.ru сайтына сілтеме жасаған NUR.KZ.

"Victoria`s secret"-тің 21-ші көрсетілімін ашу мәртебесі брендтің "періштелері" қатарына кіретін жас модель Тейлор Хиллге бұйырған.

Іш киімнің ең сәнді әрі әдемі образдарын жұрт назарына паш ету Джиджи және Белла Хадид, Кендалл Дженнер, Бехати Принслу, Кэндис Свейнпул, Сара Сампайо сияқты аруларға тапсырылған.

Көрсетілімнің ең қымбат төстарқышын киіп шығу үшін брендтің "періштесі" Эльза Хоск таңдап алынған.

Айта кетерлігі, бұл көрсетілім 15 жыл бойы "Victoria`s secret"-тің басты сәнбикелері қатарында болған Адриана Лима үшін соңғы болды.

Танымал модель сүйікті брендінің құрамынан кететінін хабарлаған. Сол себепті болар, басшылық кештің жабылу салтанатын дәл осы бразилиялық модельге беріпті.

Мәтіннен қате тапсаңыз, бізге жазыңыз