"Қазақ халқына көрсетілген құрмет деп білемін": Димаш Құдайберген Қырғызстанның халық әртісі атанды
Опубликовано:
Әнші Димаш Құдайберген Қырғызстанның халық әртісі атанды, деп хабарлайды DimashNews.com сайтына сілтеме жасаған KAZ.NUR.KZ.
22 шілдеде Қырғызстанның Чолпон-Ата қаласында "Мейкин Азия" IV халықаралық музыка фестивалінің ғаламат финалы өткен.
Фестивальдің жабылу салтанатында Қырғыз Республикасының президенті Садыр Жапаровтың жарлығымен Қазақстанның халық әртісі, әнші және композитор Димаш Құдайбергенге "Қырғыз Республикасының халық әртісі" құрметті атағы берілген.
Марапатты Димашқа мәдениет, ақпарат және жастар саясаты министрі Мирбек Мәмбеталиевтің қатысуымен Қырғыз Республикасының Мемлекеттік хатшысы Марат Иманқұлов табыстаған.
Димаш Құдайберген мұны қазақ пен қырғыз халқының үлкен достығының символы, қазақ халқына көрсетілген құрмет деп білетінін жеткізіп, алғысын айтты.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/image/2267907-dimash-qudaibergenge-qyrgyzstannyng-halyq-artisi-atagy-berildi-foto/