Алматыда танымал оңтүстіккореялық телешоу түсірілді (фото)

Алматы Оңтүстік Кореядағы ең жоғары рейтингке ие жобалардың бірі "Менің кішкентай бойдақ жігітім" телешоуының түсірілім алаңына айналды, деп хабарлайды қалалық әкімдікке сілтеме жасаған KAZ.NUR.KZ.

Алматы әкімдігінің мәліметінше, Оңтүстік Кореяда миллиондаған көрермені бар бағдарлама апта сайын эфирге шығады.

Түсірілімге танымал корей актерлері Пэ Чон Нам, Ли Сон Мин, Ким Сон Гюн және Ким Чон Су қатысқан. Бағдарлама Алматы қаласы мен өңірдің негізгі туристік нысандарында, атап айтқанда Көктөбеде, Шымбұлақта, Медеуде, Көк базарда, Көлсай көлдерінде және өзге де көрнекті орында түсірілген.

Алматыға арналған шығарылым 2026 жылғы ақпанның басында SBS телеарнасынан эфирге шығарылады деп жоспарланған.

"Мені бұл өңірдің Кореяда кездеспейтін тосын табиғи көріністері ерекше қызықтырды. Алматы Кореядан алыс болмаса да, мұндағы табиғат мүлде бөлек әсер қалдырады. Бұл ауасы таза, қала өмірі мен табиғат бір-бірімен табиғи үйлесім тауып, астасып жатқан қала. Кореямен салыстырғанда, мұндағы табиғат әлдеқайда ауқымды әрі табиғи қалпы жақсы сақталғандай әсер сыйлайды", - деді жобаның режиссер-операторы.

Мәтіннен қате тапсаңыз, бізге жазыңыз