Зендея "Эмми-2026" іс-шарасына келген ең сәнді жұлдыздар рейтингінде көш бастады

The Hollywood Reporter басылымының жазуынша, актриса Зендея "Эмми-2026" іс-шарасында ең үздік киім үлгісімен көзге түскен жұлдыздар тізімінде көш бастап, кештің ең әсерлі образдарының бірін көрсетті, деп хабарлады KAZ.NUR.KZ.

The Hollywood Reporter басылымы 78-"Эмми" сыйлығын тапсыру рәсімінің қызыл кілемінде жүріп өткен жұлдыздар арасында дәстүрлі Power Rankings сән рейтингін шығарды. Бұл тізімде көшті сыншылар кештің басты кейіпкері деп бағалаған 30 жастағы актриса Зендея бастады. Актриса мен оның тұрақты стилисі Ло Роучтың сән дуэті киім таңдаудағы теңдессіз талғам мен шеберлікті тағы бір мәрте паш етті.

Зендея қызыл кілемге өзі амбассадоры болып табылатын Louis Vuitton сән үйінің ойықтары бар әсерлі әрі талғампаз көйлегімен шықты. Образ Bulgari және Tiffany & Co брендтерінің сәнді зергерлік бұйымдарымен толықтырылды. Сән сарапшылары киімнің мінсіз пішінін, сондай-ақ актрисаның мәртебелі стилін айқындайтын аксессуарлар мен макияждың шебер таңдалғанын атап өтті.

Басылымның қорытынды сән рейтингінде Зендея рәсімде есте қаларлық образдар көрсеткен басқа да голливудтық жұлдыздарды басып озды. Тізім көшбасшыларының қатарында Dior сән үйінің кутюрлік киімімен Дженна Ортега, Loewe көйлегін таңдаған Айо Эдебири, сондай-ақ Николь Кидман мен Сидни Суини бар. Сыншылар "Эмми-2026" қызыл кілемі классикалық голливудтық талғампаздық пен батыл заманауи дизайнерлік шешімдердің үйлесімімен ерекшеленгенін атап өтті.

Мәтіннен қате тапсаңыз,бізге жазыңыз