Жантүршігерлік жағдайда қаза тапқан танымал адамдар кімдер?

Қоғамда күніге сансыз оқыс оқиғалар орын алып тұрады. Олардың нәтижесі кейбір кездері қайғылы жағдаймен аяқталып та жатады. Бірі жөнделмей істен шыққан лифтінің салдарынан қайтыс болса, тағы басқалар адам қолынан қаза табуда деп жазады NUR.KZ.

Адам өлімі жұртшылық арасында үлкен резонанс тудыратыны сөзсіз. Осыған орай адам сенгісіз жантүршігерлік жағдайда қаза тапқан танымал тұлғалардың топтамасын нараларыңызға ұсынбақпыз. Бұл оқиғалар ел ішінде шу тудырып, шешілмей тұрған әлеуметтік мәселелерді әшкереледі.

Денис Тен

Ел сүйіктісіне айналған Денис Тен көлік ұрыларының қолынан қаза тапты. Спортшы көлігінің айнасын ұрламақ болғандар оны пышақтап өлтіріп кеткен. Бұл қайғылы оқиға тек қана қазақстандықтар емес, әлем елдерінің жүрегін жаралады.

Гүлдерайым Омарова

Танымал тележүргізуші Рахман Омардың бұрынғы әйелі де кісі қолынан қаза тапты. Әдеттегідей пәтерақысын алуға келген келіншекті уақытша тұрып жатқан бойжеткендер айуандықпен өлтіріп тастаған. Қайғылы оқиғаға қатысты тергеу жұмыстары әлі жалғасуда.

Айзат Әбдісамат

Істен шыққан лифтіде қайтыс болған тележүргізушінің өлімі күллі Қазақстанды дүрсілкіндірді. Қызымен қалып қойған әйелді лифт қысып қалған. Бұл қаралы оқиға дұрыс жүргізілмеген жөндеу жұмыстары себеп болды. Көпшілік лифттің жұмысын қадағаламаған мамандарды кінәлады.

Мәтіннен қате тапсаңыз, бізге жазыңыз