Марқұм Хайден Панеттьеридің жігіті Брайан Хикерсон бардағы жанжалдан кейін ұсталды

Марқұм актриса Хайден Панеттьеридің бұрынғы жігіті Брайан Хикерсон бардағы төбелестен кейін полицияның назарына ілікті, деп хабарлайды The Blast басылымына сілтеме жасаған KAZ.NUR.KZ.

Құқық қорғау органдары Оңтүстік Каролина штатының Гринвилл қаласындағы мекемелердің бірінде болған төбелес туралы шақырту бойынша оқиға орнына барды. Тексеру барысында Брайан Хикерсон мен оның бауыры Закты полиция қызметкерлері ұсталды. Полиция мәліметінше, Зак қатты мас күйінде болғандықтан, қоғамдық тәртіпті бұзғаны үшін қамауға алынды, ал Брайан жауап алынғаннан кейін босатылды. Куәгерлер түсірген видеода жанжалға қатысушылардың бір-біріне айқайлағаны, ал Хикерсонға ұқсас ер адамның бар орындығын лақтырып, агрессивті әрекет жасағаны көрінеді.

Ұстау кезінде Брайан жергілікті полиция қызметкерлеріне дауыс көтеріп, өткен айда актрисаның қайтыс болуына байланысты қайғылы оқиғаларды тілге тиек етті. Еске сала кетейік, Хайден Панеттьери тамыздың ортасында 36 жасында дәл осы қалада көз жұмған болатын.

Жұп бұған дейін де тұрмыстық зорлық-зомбылық айыптаулары мен сот процестеріне ұласқан күрделі әрі даулы қарым-қатынастарынан кейін БАҚ назарына іліккен еді. Бардағы бұл оқиға батыс таблоидтарында марқұм жұлдыздың айналасындағы адамдар туралы жаңа талқылау толқынын тудырды.

Мәтіннен қате тапсаңыз,бізге жазыңыз