Синди Кроуфордтың 27 жастағы ұлының өлімінің алдын ала себебі белгілі болды

Супермодель Синди Кроуфорд ұлы Пресли Гербердің қазасын ауыр қабылдады. PageSix басылымының дереккөздеріне сенсек, 27 жастағы модель оңалту орталығында есірткіні шамадан тыс қолдану салдарынан қайтыс болған, деп жазды KAZ.NUR.KZ.

Супермодель Синди Кроуфорд 27 жастағы ұлы Пресли Гербердің қайғылы қазасынан кейін қатты күйзеліске түсті. Танымал тұлғаның айналасындағылар отбасының өте тату болғанын, ал модель жігіт қарындасы Кайямен ерекше тату болғанын хабарлайды. Гербер-Кроуфорд отбасы баспасөз өкілдерінен осы қиын кезеңде олардың жеке өміріне құрметпен қарауды сұрады.

Қайғылы оқиға 20 қыркүйекте Калифорния штатының Санта-Моника қаласындағы оңалту орталығында болды. Page Six басылымының ақпаратына сәйкес, Гербер қайтыс болардан аз уақыт бұрын құны 7,7 миллион доллар тұратын клиникаға емделуге жатқызылған. Модельдің өліміне есірткіні шамадан тыс қолдану себеп болған. Бұған дейін модель денсаулығындағы мәселелер, депрессиямен және опиоидке тәуелділікпен көп жылдық күрес туралы көпшілікке ашық айтқан болатын.

Өмірінің әр кезеңінде Гербер бірнеше рет құқық бұзушылықтарға тап болып, жаман әдеттерден арылуға тырысты. 2018 жылы ол Беверли-Хиллзде мас күйінде көлік жүргізгені үшін ұсталып, үш жылға шартты түрде сотталған еді. Осы жылдың наурызында ол Мексикадағы клиникаға барып, ішімдік пен есірткіден бас тарту үшін ибогаин психоактивті затын қабылдаған. Синди Кроуфорд әлеуметтік желілерде ұлын "нағыз жауынгер" деп атап, оның күресін әрқашан белсенді түрде қолдап келді.

Отбасының достары мен жақындары болған жайтқа қатты таңғалуда. Дереккөздер Кроуфордтың өте қамқор ана болғанын, балаларының өміріндегі барлық мәселеге араласып, ұлына ең жақсы медициналық көмек көрсетуге тырысқанын атап өтті.

Мәтіннен қате тапсаңыз,бізге жазыңыз