Инсайдерлер Синди Кроуфордтың ұлы өмірінің соңғы апталарында қандай күйде болғанын жария етті

The Blast басылымының хабарлауынша, Синди Кроуфордтың ұлы Санта-Моника қаласындағы оңалту орталығында қайтыс болардан үш ай бұрын қатты арықтап, жүдеу күйде болған, деп жазды KAZ.NUR.KZ.

27 жастағы Пресли Гербердің қайғылы қазасынан бірнеше апта бұрынғы жағдайы туралы жаңа мәліметтер белгілі болды. Супермодель Синди Кроуфорд пен бизнесмен Рэнди Гербердің ұлы 2026 жылдың 20 қыркүйегінде Калифорния штаты, Санта-Моника қаласындағы оңалту орталығында көз жұмды. Полиция есірткіні шамадан тыс қолдану дерегі бойынша тергеу жүргізіп жатыр, алайда Лос-Анджелес округінің сот-медициналық сарапшысының ресми қорытындысы токсикологиялық сараптама аяқталғанға дейін кейінге қалдырылды.

Отбасына жақын дереккөздердің хабарлауынша, өмірінің соңғы үш айында Гербердің жағдайы күрт нашарлаған. Инсайдерлердің айтуынша, модель қатты арықтап, бозарып, жүдеп кеткен, ауыр депрессиядан, қолдың дірілдеуінен зардап шеккен және әңгіме барысында ойын жинақтай алмай қиналған. Таныстары оның сырт келбеті бұрын сән журналдарының мұқабалары мен беделді сән үйлерінің подиумдарында жүрген жігітке мүлдем ұқсамай қалғанын атап өтті.

Преслидің ата-анасы Синди Кроуфорд пен Рэнди Гербер ұлына тәуелділік пен депрессияны жеңуге көмектесу үшін оны бірнеше рет емделуге жіберген. Бұған дейін модель әлеуметтік желілерде менталдық денсаулығы үшін күресіп жатқанын ашық айтқан болатын. Қазіргі уақытта құқық қорғау органдары өлімнің зорлық-зомбылық сипатында болғанын жоққа шығарды, ал отбасының жақындары есірткі заттарының жабық клиника аумағына қалай түскенін анықтауға тырысуда.

Мәтіннен қате тапсаңыз, бізге жазыңыз