Тікелей эфирге хабарласқан көрермен Аша Матайды сынап тастады (видео)

Еуразия арнасындағы "Қалаулым" бағдарламасының тікелей эфиріне хабарласқан тараздық көрермен Аша Матайдың биін сынап тастады. Көрермен әншінің жұбайы Арман Қоңырдан оған әдемі қимылдауды үйретуін сұрады.

"Аша ханым, сіздің стиліңізге сөзім жоқ. Бірақ билеуді кішкене үйреніп алыңызшы. Арманды қасыңызға алып алсаңызшы, сол үйретсін сізді", - деп ағынан жарылды тараздық Жәмила Бүркітбаева.

Тікелей эфирде мұндай сынды күтпеген Аша Матай көрерменнің сынына алғысын білдіріп, алдағы уақытта бұл кемшілігін түзейтінін айтты.

"Бұл бағдарламадан кейін Арман екеуміз бірге биге барайық. Енді Аша Матай Арманнан би сабағын алып, "Қалаулымда" әдемі би көрсетеді. Кішкентай кезімнен бастап мен әртүрлі би үйірмелеріне барған едім. Мұнда шығып хип-хоп стилінде билеп жатсам, ыңғайсыз болар. Сондықтан басқа бағыттағы билерді үйренейік", - деді Аша Матай.

Мәтіннен қате тапсаңыз, бізге жазыңыз