Жұлдызды аналарының жолын қуған танымал қыздар кімдер?

Отандық шоу-бизнесте өздерінен бөлек, қыздары да өнер әлемінде өзіндік орындарын қалыптастырып, көпшілік талқысына түсіп жүрген танымал аналар жетерлік. Бүгінде жұлдызды қыздардың бірі актриса, екінші әнші болуда деп хабарлайды «Жұлдыздар әлемі» сайтына сілтеме жасаған NUR.KZ.

Белгілі актриса Қарлығаш Мұхамеджановамен анасы Нұржамал Үсенбаева.

Әкесі – белгілі композитор әрі сенатор Төлеген Мұхамеджанов, анасы – әйгілі қазақ опера әншісі Нұржамал Үсенбаева. Өнерлі отбасыда дүниеге келген Қарлығаш елімізге белгілі актриса.

Қазақстан және Ресей еліне танымал актриса, әрі әнші Линда Нығматулина анасы Венера Нығматулинамен.

Талғат Нығматулин есімді танымал актер мен Венера есімді актрисаның отбасында дүниеге келген Линда да өнерден алшақтамай, ата-анасының ізімен келеді.

Бүгінде актриса тек елімізде ғана емес, Ресейде де танымал жандардың бірі.

“Анасына қарап, қызын ал” – деген ата-бабамыз. Қазақтың дәстүрлі әнін домбырмен дәріптеген Жанар Айжанованың қызы да, өнерден алыс емес.

Өзінен аумаған Айжұлдыз флейтада ойнап, сурет салғанды жақсы көреді. Соңғы кездері актрисалық жағынан да танылып жүр.

Атышулы Баян Мақсатқызының атышулы қызы – Айсәуле. Бұлай деп атауымызға Айсәуленің соңғы жазбалары себепші.

Жас тележүргізуші өзінің жеке парақшасында қоғамда маңызы бар дүниелерге көзқарасын білдіріп, шағын блог жүргізіп жүр.

Келесі кезекте, Баянның әріптесі, әрі жақын құрбысы Динара Сәтжан мен қызы Диана.

Диана анасының топтамасымен шоу-рум кілемдерімен модель ретінде бой көрсетіп жүр. Жақында кішкентай бүлдіршін Париж подиумында жүрді.

Экс-кешьюлік Сара Амангелді мен анасы, белгілі продюсер Гүлнұр Мамасарипова.

Продюсердің өзі Сараны "Жаны нәзік, ерекше қыз" деп атайды. Сараның анасы "Ана жүрегі" сериалы мен "Жұлдызды жекпе-жек" жобасының бас продюсері.

“Қуыршағым” әнімен бала күнінен танылған Фарида Жолдасова анасы, Ұлықпан Жолдасовтың жары әрі директоры Айған Жолдасовамен.

Мәтіннен қате тапсаңыз, бізге жазыңыз