"Әкеме рахмет": Қайрат Нұртастың қанша бизнесі бар? (фото)

Елімізге танымал хитмен Қайрат Нұртастың ән айтудан бөлек қандай табыс көздері бар? Бір тойдан сегіз мың доллар алатын әншінің зәулім сауда орталығы мен жақында ашылған продакшны жайлы "Астана" арнасының "Ел аузында" бағдарламасына сілтеме жасаған NUR.KZ хабарлайды.

Хитмен бірнеше отбасылық бизнестің басын ұстап отыр.

1) KN city сауда-орталығы

"Менің ашып жатқан KN city сауда орталығым өте үлкен. Үш жылдан аса салдық. Бәрін әкем салды ғой. Әкеме рахмет", - деді "Ел аузында" бағдарламасына жауап берген Қайрат Нұртас.

Еліміздегі отандық бағдарламалардың біріне қонаққа келген әнші болашақта ашылатын үлкен сауда орталығы жайлы айтып берген болатын.

2) KN вокал мектебі

Қайрат Нұртас 2016 жылы Қызылорда қаласында өзінің өнер мектебін ашты.

Гүлзира Айдарбекова өнер мектебінде балаларға эстрадалық вокал, хореография, саз аспаптары, актерлік шеберлік бағыттары бойынша сабақтар берілетінін өзінің Instagram парақшасында айтқан болатын.

3) KN қосымшасы

Телефонға арналған "Kairat Nurtas" қосымшасын бүгінде 50 мыңнан аса адам жүктеп үлгерген.

Қосымшадан Қайрат Нұртастың әндерін, жаңалықтарын, суреттерін көре аласыз.

4) KN караокесі

Әнші Алматы қаласынан "KN" караокесінің ашылғаны жайлы биылғы жылдың қазан айында Instagram парақшасында мәлім етті.

5) "KN" бренді

Әнші 2013 жылы Алматыдағы сауда-орталығының бірінен өзінің бренд киімдерін сататын дүкен ашты.

6) KN журналы

Сондай-ақ, кезінде Қайрат Нұртастың журналы да жарыққа шыққан болатын. Алайда басылым бүгінде өз жұмысын тоқтатқан.

Айта кетейік, бұған дейін әншінің бір тойдан алатын табысының сегіз мың долларға көтерілгені жайлы хабарланған болатын.

Естеріңізге сала кетейік, Қайрат Нұртастың әндерін біздің MusicNur қосымшасынан тыңдай аласыздар.

Мәтіннен қате тапсаңыз, бізге жазыңыз