Әйгілі Моника Беллуччидің айдай сұлу қызына жұрт тәнті болды

Әлемге танымал актриса Моника Беллуччи мен оның бұрынғы күйеуі Венсан Кассельдің ортақ қызы Дева бүгінде көптің қызығушылығын тудыруда. Ел алдына шыға бермейтін 14 жасар қыз жұртты өзінің сұлулығымен тәнті етті. Жұлдызды қыздың желіге тарап кеткен ерекше суреттеріне қарап, көпшілік оның болашақта анасының орнын басар талдырмаш мүсінді ару боларын болжады деп жазады bigpicture.ru сайтына сілтеме жасаған KAZ.NUR.KZ.

2013 жылы ажырасатынын хабарлап, елді дүр сілкіндірген Белуччи-Кассель жұбы бірден ел назарына ілікті.

Әсіресе жұлдызды ерлі-зайыптылардың Дева және Леони есімді қыздары да көптің талқысына түсті.

Балаларын дүйім жұртқа көрсетпеу саясатын ұстанып келген ғашықтар бұл әрекетін оларға БАҚ тарапынан қысым болмағанын қалайтынымен түсіндіреді.

Алайда, әйгілі жанұя қыздарын қалай жасырғанымен ақпарат өкілдері Дева мен Леони жайлы мәліметтерді тауып алды. Үлкені 14 жаста болса, кішісі сегізде.

Бүгінде кенже қызы тым кішкентай болған соң, ел назары үйдің үлкен Деваға іліккен. 14 жасар жасөспірім шоу-бизнес әлеміне ақырындап аяқ басып келе жатқан көрінеді.

Жақында ғана ол әйгілі Dolce&Gabanna брендінің ерекше жарнамалық түсіріліміне қатысты.

Айта кетерлігі, аталмыш сән үйімен Моника Беллуччи бірнеше жыл бойы үзбей жұмыс істеп келеді.

Көпшілік енді жұлдызды анасының орнын Дева басады деп отыр.

Мониканың жас кезіндегі суреттерімен қызын салыстырған көпшілік оның анасынан айнымай қалғанын жазуда.

Тіпті, кейбір желі қолданушылары Деваның асқан сұлулығына тәнті болып, оның жақын арада Моника Беллуччиден асып түсетінін де топшылады.

Мәтіннен қате тапсаңыз, бізге жазыңыз