Тоқтар Серіков Қазақстанның еңбек сіңірген қайраткері атанды

Қазақ эстрадасының жарық жұлдызы Тоқтар Серіков Қазақстан Республикасының еңбек сіңірген қайраткері атағына ие болды деп жазады KAZ.NUR.KZ.

Бұл қуанышты жаңалықты Тоқтар Серіковтың өзі қалың көпшілікке жеткізді. Өнер иесі Instagram парақшасында марапттау сәтінен фото жариялап, өз қуанышымен бөлісті.

"Сүйінші! Бүгін Тоқтар ұлдарыңызға, Қазақстан Республикасы Президентінің 2020 жылғы 3 желтоқсандағы Жарлығымен "Қазақстанның еңбек сіңірген қайраткері" құрметті атағы берілді" , - деп жазылған Тоқтар мен Бейбіттің ортақ Instagram парақшасында.

Желі қолданушылары бірден эстрада жұлдызын жарыса құттықтап, оның бұл атаққа әбден лайық екенін жазуда. Әншінің жанкүйерлері ол үшін аса қуанышты екенін айтып, оған өз ақ тілегін жаудырды.

"Еңбегіңіздің бағаланғаны қуантады" , "Лайықтысыз. Бұл атақты бұрын да алатын жөніңіз бар еді" , "Кеш болса да, берілгені дұрыс болды" , "Әбден лайықтысыз. Құтты болсын" , "Марапаттарыңыз көбейе берсін" , "Бұл марапаттарыңыздың соңы болмасын" , "Сіз үшін қатты қуанып тұрмыз. Әйтеу дегенде беріліпті" , "Сәз қандай да құрметке лайық азаматсыз" , - деп жазуда көпшілік.

Айта кетейік, бұған дейін Украинаны бағындырып келген отандық жас әнші Индира Еділбаева "Халық алғысы" марапатына ие болғанын жазған едік. Бойжеткен танымал "Украина дауысы" жобасының финалына дейін жеткен.

Мәтіннен қате тапсаңыз, бізге жазыңыз