Мақпал Жүнісова өз кешінде қызымен бірге ән шырқады (видео)

Қазақ эстрадасының дүлділі Мақпал Жүнісова 1 мамыр күні Алматы қаласында үлкен ән кешін өткізді, деп жазады KAZ.NUR.KZ тілшісі.

Мақпал Жүнісова оңтүстік астанада дүркіретіп концерт беріп, өзінің барша тыңдармандарын қуантты. Өнер иесі халық сүйіп тыңдайтын әндерін шырқап, көпшілікке керемет көңіл-күй сыйлады.

Эстрада дүлділін құрметтеп жанкүйерлерінен басқа бірқатар өнер жұлдызы да келді.

Сондай-ақ Жүнісова концертіне жиылған халыққа ерекше адаммен дуэт орындап таңғалдырды. Ол өнер көрсетуі барысында қызы Мереймен сахнаға шығып, бірге ән шырқады.

Қалың көпшілік әртістің өнеріне тәнті болып, шараның жоғары деңгейде өткенін жазуда.