Актер Нұртас Адамбай қызды болды

Отандық танымал актер әрі кинопродюсер Нұртас Адамбайдың отбасында қуанышты жағдай орын алды. Өнер иесінің екінші перзенті дүниеге келді, деп жазады KAZ.NUR.KZ тілшісі.

Нұртас Адамбайдың келіншегі оған қыз бала сыйлаған. Қуанышы қойнына сыймаған жұлдызды әке бұл жаңалығын Instagram желісінде жария етті.

"Әлемдердің Раббысы Аллаға сансыз шүкір. Бүгін осындай сый алдым. Енді қыздың әкесі болу дегеннің қандай екенін білетін боламын. Баршаларыңызға құттықтауларыңыз үшін рахмет. Алла Тағала сіздерге де осындай бақыт бұйыртсын", - деп қуанышымен бөлісті Адамбай. 

Желі қолданушылары ерлі-зайыптыны жарыса құттықтап, өз ақ тілегін жолдауда.

Айта кетейік, бұл актердің екінші перзенті болды. Ерлі-зайыптының қызынан басқа бір ұлы бар.

Мәтіннен қате тапсаңыз, бізге жазыңыз