"Аll Давай" тобының әншісі Шоқан Маратұлы үшінші рет әке атанды

"Аll Давай" тобының әншісі Шоқан Маратұлы қызды болды. Үшінші рет әке атанған ол қуанышын Instagram желісінде бөлісті, деп жазады KAZ.NUR.KZ.

Әнші перзентханада түсірілген суретпен бөлісіп, жаңа туған нәрестені көпшілікке көрсетті.

"Аллаға шүкір! Мен үшінші рет әке атандым. Менің қызым өмірге келді. Рахмет, Анель Баталова", - деп жазды ол.

Желі қолданушылары әнші мен оның жұбайын отбасылық қуанышымен құттықтады.

"Бауы берік болсын", "Құттықтаймыз", "Денсаулығы мықты, бақытты қыз болып өссін", - деп жазды желідегілер.

Сонымен қатар тілек білдірушілер арасында Қарлығаш Мұхамеджанова, Рано Умарова, Мақпал Жүнісова секілді шоу-бизнес өкілдері де бар.

Мәтіннен қате тапсаңыз, бізге жазыңыз