Нұржан Төлендиев ұзатылатын қызын ел алдына өзі алып шықты (видео)

Елімізге танымал әзілкеш Нұржан Төлендиев осыдан біраз уақыт бұрын қызы Қорланды ұзататынын айтқан болатын. Жақында жаңа құдаларымен танысқан әзілкеш ұзату тойында қызын ел алдына өзі алып шықты, деп жазады KAZ.NUR.KZ.

Күні кеше әзілкештің қызы Қорланға құдалар жағы дәстүр бойынша сырға салған болатын.

Көпшілікке бұл сәтті Нұржан Төлендиевтің өзі TikTok желісінде көрсетті.

Видеодан әзілкештің қызы Қорланды мейрамхана төріне, елдің алдына өзі алып шыққанын байқауға болады.

Ал осыдан соң Төлендиевтің ұлдары әпкесіне құшақ-құшақ гүл сыйлайды.

Айта кетейік, ұзату тойда асаба қызметін әзілкеш Қанат Әлжапбаров атқарған. Сонымен қатар Төлендиевтің қуанышына Мақпал Жүнісова, Мейрамбек Бесбаев, тағы да басқа әншілер жиналған.

Мәтіннен қате тапсаңыз, бізге жазыңыз