"Құйғанының өзі кино": Желіде Кәмшат Жолдыбаеваның шай құйған сәті тарап кетті (видео)

Әлеуметтік желіде жақында тұрмысқа шыққан әнші әрі актриса Кәмшат Жолдыбаеваның достарына шай құйған сәті тарап кетті. Бұл сәтті актер Артур Төлепов видеоға түсіріп алған, деп жазады KAZ.NUR.KZ.

Кәмшат Жолдыбаеваның шай толы кесені ұсынған сәтін Артур Төлепов Instagram желісінде бөлісті.

Жолдыбаеваның бұл образын ұнатқан желі қолданушылары жылы лебіз білдірді.

"Қандай әдемі келін", "Әдемі келіншек болатынын бұрыннан білгенмін", "Шай құйғаны күшті екен", "Бақытты болсын", "Алла бағыңды ашсын", "Келін шай", "Шай құйғанының өзі кино", - деп жазды желідегілер.

Естеріңізге сала кетейік, биылғы жылдың наурызында Кәмшат Жолдыбаеваға сырға салынып, ұзатылған болатын.

Ал кейінірек желіде отандық актер Ғазрет Қажымұқанұлының үйіне келін болып түскен Кәмшат Жолдыбаеваның басына ақ орамал салған сәттің видеосы тарады.

Мәтіннен қате тапсаңыз, бізге жазыңыз