"Қайда екенін айтпай-ақ қояйын": Саят Медеуов 50 жасына өнердегі достары сыйлаған көлікті мінбейтінін айтты

Әнші Саят Медеуов жақында 50 жасқа толып, мерейтойын мейрамханада өнердегі достарымен атап өткен болатын. Өнер иесінің туған күніне шоу-бизнестегі әріптестері жиналып, көлік сыйлаған болатын, деп жазады KAZ.NUR.KZ.

Бұл жайлы өнер иесі "Ұйқым келмейді" бағдарламасында айтты.

"Көліктің қайда екенін айтпай-ақ қояйын. Достарыма рахмет, сыйлады ғой. Бірақ олар менің ол көлікті мінбейтінімді жақсы білді. "Біз қалайда беруіміз керек" деп әкеп берді. Ол көлік қазір үйде жоқ. Орнына достарым әперген көлік деп, орнына басқасын аламын деп отырмын. Өзіме ұнайтын көлікті алғаным дұрыс", - деді Саят Медеуов.

Айта кетейік, мерейтойын мейрамханада дүркіретіп атап өткен Саят Медеуов жұбайын көпшілікке көрсетті.

Мәтіннен қате тапсаңыз, бізге жазыңыз