Нұрбақыт Қарағай "Диета.кз" тобынан неге кеткенін ашып айтты

"Диета.кз" тобының бұрынғы әншісі Нұрбақыт Қарағай не үшін жеке шығармашылыққа көшкенін айтты. "Қызықты weekend" бағдарламасында өнер иесі ел көкейіндегі сауалға жауап берді, деп жазады KAZ.NUR.KZ.

"Жасұлан екеуіміз он жылдай өнер көрсеттік. Аз уақыт емес. Енді жеке тұлға болып қалыптасатын уақыт келген шығар.

Екеуіміз ренжіскен жоқпыз. Достықпен бөліндік. "Жастарды өсіруім керек" деді. "Диета.кз" тобын жалғастыратын жастарды тәрбиелейді. Орнына жастарды қалдырып, өзі болашақта продюсерлікті қолға алмақшы. Әйтеуір, ақ батасын алып кеттім ғой. Арамызда ешқандай келісімшарт болмады. Бөлінгеннен кейін де маған оңай болмады", - деді Нұрбақыт Қарағай.

Айта кетейік, осыған дейін Нұрбақыт Қарағай көпшілікке төрт баласы мен келіншегін таныстырған болатын.

Мәтіннен қате тапсаңыз, бізге жазыңыз