"Дүмпуден кейін деп ойлап қалмасын": Тоқтар Серіков отбасымен Астанаға қоныс аударатынын айтты

Әнші Тоқтар Серіков отбасымен Астанаға қоныс аударатын болды. Өнер иесі "1001 түн" бағдарламасында елордаға көшуіне дүмпу себеп болмағанын айтты, деп жазады KAZ.NUR.KZ.

"Балалар өсіп қалды. Жақсы оқудың бәрі Астанада бар. Оның үстіне елдің астанасы, көркейіп жатыр.

Бірақ Алматыдағы дүмпуден кейін деп ойлап қалмасын. Менің үйім әзір құлайтын үй емес. Бұрын Алматыдан кетпей жүріп алдым. Анама ауылдан Алматыға келу оңай болатын. Анам марқұм "Астанаға көшсең, бара алмай қалам-ау. Маған қиын" деген еді. Анамның бір ауыз сөзі үшін Алматыда қалдым. Оның үстіне Бейбіттің әкесі Алматыда, жақын жерде тұрады. Солар жанымызда болғасын, алыстағымыз келмеді. Үлкен ұлымның мектебін де қимаймыз.", – деді Тоқтар Серіков.

Мәтіннен қате тапсаңыз, бізге жазыңыз