Танымал кәсіпкер Дана Қанапина көз жұмды

Астанада белгілі кәсіпкер, танымал кондитердік желінің негізін қалаушы Дана Қанапина қайтыс болды. Оның соңғы жылдары денсаулығы сыр берген, деп хабарлайды KAZ.NUR.KZ.

Дананың көз жұмғаны туралы оның Instagram-дағы Stories бөлімінде жазылды. Хабарландыруда қоштасу рәсімінің уақыты мен орны көрсетілген.

Соңғы жылдары ол парақшасында онкология туралы жазбалар жариялап жүрген. Кәсіпкер қиын жағдайды қалай қабылдауға болатыны туралы жазған және сырларын бөліскен.

Дана Қанапина La Creme кондитерлік желісінің, Delish кафесінің, Pâté наубайханасының және CULT аспаздық курстар академиясының негізін қалаушы ретінде танымал. Ол кәсіпті күйеуі Асқар Қанапинмен бірге жүргізген.

Мәтіннен қате тапсаңыз, бізге жазыңыз