"Қайта ғашық болдым": Айқын Төлепберген ерекше видео жариялады

Қазақстандық танымал әнші Айқын Төлепберген желіде келіншегі Жұлдыз Өмірғалидің видеосын жариялап, оған қайта ғашық болғанын айтты. Бұл туралы KAZ.NUR.KZ жазады.

Айқын Төлепберген аталмыш бейнежазбаны Instagram-дағы парақшасында бөліскен. Онда өнер иесінің әйелі түсірілімде жүргенін көруге болады. Әнші келіншегінің сұлулығына тәнті болып, оған қайта ғашық болып қалғанын айтты.

"Менің жаным бір түн отырып, тағы бір көйлек тікті. Кмінің қызы, кімнің әйелі екен? Бүгін өзім сыйлық беремін", - деді Айқын Төлепберген.

Желі қолданушылары әйелін еркелеткен өнер иесіне тәнті болып, ерлі-зайыптыға жылы лебізін білдірген.

"Әйелін мақтап қолпаштау да ерлік. Жарайсың", "Қандай керемет көрініс. Келіншегіне тамсанып, ғашық болып тұр", "Бақытты болыңыздар. Керемет жұп. Айқын әйелін қатты сыйлайтыны көрініп тұр", - деп жазуда көпшілік.

Мәтіннен қате тапсаңыз, бізге жазыңыз