"Ажырасқан әйелдерді түсінгендеймін": Жанқош Тұраровтың келіншегі жазбасымен елді ойландырып қойды

Қазақстандық танымал боксшы Жанқош Тұраровтың келіншегі, танымал блогер Клара Иса желіде әсерлі жазба жариялап, елді ойландырып қойды. Ол бүгінде ажырасқан әйелдерді түсіне бастағанын алға тартты, деп жазады KAZ.NUR.KZ.

Клара Иса Instagram-дағы парақшасында оқырмандарымен тілдесіп, жеке өмірі туралы сыр шертті. Блогер әйел адамның жеке табысы мәселесін көтеріп, өзіне қолдау білдіруді сұрады.

"Тұрмыс құрғанға дейін әкемнің табысына өмір сүрдім. Тұрмысқа шыққаннан кейін жолдасымның табысын ойланбай шашып, өмір сүрдім. Менің ойыма осы күнге дейін өз табысың болуы керек деген ой кірмепті. Жұмыс немесе тіршіліксіз отырған емеспін. Бірақ оны тек хобби деп қана қарадым. Әйел адамның өз табысының болуы маңызды дүниелер қатарында екенін түсіндім. Өмірде түрлі жағдайлар болады екен. Тірлік жасаймын деген адамдарға қаншалықты қолдау білдіру керегін ұқтым. Ажырасқан әйелдерді қалай тау қопаратынын көріп, түсінгендеймін. Мен сіздерден қолдау күтемін", - деп жазды боксшының әйелі.