"Ұсыныс па": Олжас Абай Дариға Бадықоваға ерекше тосынсый жасап қуантты (видео)

Қазақстандық танымал актер Олжас Абай өнердегі әріптесі Дариға Бадықоваға тосынсый жасап, оны ерекше қуантты. Бұл туралы KAZ.NUR.KZ жазады.

Дариға Бадықова өнердегі әріптесі өзін қалай қуантқанын Instagram-дағы парақшасында көрсетті.

Бейнежазбада Олжас Абайдың актрисаға үлкен гүл шоғын сыйлап, ерекше сыйлық табыстап жатқанын көруге болады. Белгілі болғандай актер кинопродюсерді "Таптым-ау сені–2" фильмінің 1 млрд теңге жинағанымен құттықтаған.

Бадықова мұндай тосынсыйға қуанып, әріптесіне алғысын айтқан. Желі қолданушылары да қос әртісті бұл жетістігімен құттықтап, ақ тілегін білдірді.

"Құтты болсын", "Жарайсыңдар, керемет туынды", "Олжас жарады, Дариға қуанып қалды", "1 млрд құтты болсын", "Дариға ханым. Кино керемет. Көкейден орын алды. Көрермені көп болсын", "Киногерлер көбейе берсін. Бізден қолдау болады", "Ұсыныс па деп қалдық" - деп жазуда көпшілік.

Мәтіннен қате тапсаңыз, бізге жазыңыз