Бүркіт пен Аиша тағы да сәбилі болатынын жария етті (видео)

Отандық шоу-бизнестің жарасымды жұптардың бірі Бүркіт пен Аиша жақында тағы да балалы болатынын хабарлады. Ерлі-зайыпты желідегілердің болжамын растап, төртінші сәбиін күтіп жүргенін айтты, деп жазады KAZ.NUR.KZ.

Бұл қуанышты жаңалығын әнші Instagram-дағы парақшасы арқылы жеткізді. Жұлдызды әке отбасымен Балидегі демалыстан видео жариялап, оның астына ерекше жазба қалдырды.

"Әйеліңнің аяғы ауыр кезде бар қалауын орындайсың", - деп жазды Бүркіт.

Желі қолданушылары ерлі-зайыпты үшін қуанып, оларға жылы лебізін жарыса жазды.

Айта кетейік, Бүркіт пен Аиша бүгінде үш баланы тәрбиелеп отыр. Кенже қызы Сафия 6 жаста. Әншілердің Омар және Зейін есімді қос ұлы бар. Өнер иелерінің отау құрғанына 15 жыл болды.