Шоубиз

Зектілері

Қазақстандық жігіт Африканың биік шыңы – Килиманджарода қазақтың күйін әуелетті

Жарияланған күні:

Әлібек Қайырбек
Әлібек Қайырбек. Видеодан кадр: instagram.com/kaztheatre

Қазақстандық жігіт Әлібек Қайырбек Килиманджаро тауында қазақтың қасиетті домбырасын тартып, Құрманғазының "Адай" күйін орындады. Бұл туралы KAZ.NUR.KZ Қалибек Қуанышбаев атындағы Қазақ ұлттық музыкалық драма театрдың Instagram-дағы парақшасына сілтеме жасап хабарлайды.

Өнер ордасының баспасөз қызметі таратқан ақпаратқа сәйкес, Қалибек Қуанышбаев атындағы Қазақ ұлттық музыкалық драма театрының Халық аспаптар ансамблінің мүшесі Әлібек Қайырбек Африканың ең биік шыңы – Килиманджаро тауында қазақтың қасиетті домбырасымен күй тартты.

"Бұл – ұлттық өнеріміздің ерекше үнін тау шыңында танытқан бірегей сәт. Әлібек Қайырбекті осы жетістігімен барша театр ұжымы атынан шын жүректен құттықтаймыз", - деп жазылған жазбада.

Еске салайық, 2024 жылғы тамыз айында қазақстандық Әлібек Қайырбек Еуропаның ең биік шыңы – Эльбрусты бағындырып, "Адай" күйін тартқан болатын.

Мақаланың түпнұсқасы: https://kaz.nur.kz/showbiz/personal-life/2211033-qazaqstandyq-zhigit-afrikanyng-biik-shyngy-kilimandzharoda-qazaqtyng-kuiin-aueletti-video/