"Сәлем салу – проблема емес": блогер Дана Есеева көптің көкейіндегі сауалға жауап берді

Кәсіпкер, блогер Дана Есеева енесімен бірге Ләйлі Сұлтанқызына сұқбат беріп, келіндік өмірінен сыр шертті. Ол сәлем салуға қатысты пікірін айтты.

Енесімен бірге Ләйлә Сұлтанқызына сұхбат берген ол келін болып түскенде орамал тағып, сәлем салғанын атап өтті.

"Қонақ келген сайын сәлем салып жүресің. Келін болғалы неше жыл өтті, әлі күнге дейін орамал тағасың ба?" дегендер көп болды. Мен одан проблема көріп тұрған жоқпын. Ол - проблема емес. Айына бір-екі рет келетін қонақтар үшін орамал тағып, келін көйлегіңді киіп, сәлем салудың еш қиындығы жоқ қой. Батасын аласың қайта. Менің ойымша, салт-дәстүрлер отбасының бір жалғасы сияқты. Енді оны бұзып тастасаң, ол отбасының бір береке-бірлігі кететін секілді көрінеді. Басында-ақ маған орамал тағу керек деген кезде, проблема көрген жоқпын. Мен керісінше, шашым аппақ болғаннан кейін орамалды тастамай тақтым. Орамалдың ішіне тығып тастайтынмын, көрінбейтіндей. Екі аптаның ішінде палау жасауды үйрендім", – дейді ол.