"Жеті жыл заңсыз тұрдық": Мақпал Жүнісова желіде неке қию туралы куәлігін көрсетіп, сырын ақтарды
Жарияланған күні:
Қазақстанның халық әртісі Мақпал Жүнісова желідегі парақшасында неке куәлігін жариялап, көпшілікке сырын ақтарды, деп хабарлайды KAZ.NUR.KZ.
Әнші марқұм күйеуі Заманбек Нұрқаділовпен қалай отау құрғанын есіне алды. Айтуынша, олар тек жеті жылдан кейін неке қиған.
"Зәкең үлкен той жасап, неке қиюға барамыз дегенде, "Жоқ, Зәке, жақсы көрсеңіз асықпаңыз. Әңгімеміз жараспай қалса дардай басыңызбен ажырасып жүресіз бе? Бір-екі жыл бір-бірімізді тексерейік" деп келіспедім. Содан жеті жыл заңсыз тұрдық, 1998 жылы 1 қазанда неке қиылды", - деп жазды Мақпал Жүнісова Instagram желісіндегі парақшасында.
Еске сала кетейік, бұған дейін Мақпал Жүнісова Instagram желісіндегі парақшасында видео жариялап, Құлжа тас жолы бойындағы Шелек ауылын басқарып отырған жергілікті билік өкілдерін сынға алғанын жазған едік.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/personal-life/2235653-zheti-zhyl-zangsyz-turdyq-maqpal-zhunisova-zhelide-neke-qiiu-turaly-kualigin-korsetip-syryn-aqtardy/