Қызына көлік, тойбастарға гауһар тас: Мөлдір Мұқанова дүбірлі той жасады
Жарияланған күні:
Читать на русском
Белгілі әзілкеш әрі шоумен Тұрсынбек Қабатовтың бұрынғы жары, әнші Мөлдір Мұқанова бірден үш қуанышты біріктіріп, дүбірлі той өткізді, деп хабарлайды KAZ.NUR.KZ.
Мөлдір Мұқанованың отбасы қуанышты жаңалықтарды атап өтіп жатыр – үлкен қызы Дубайдағы жоғары оқу орнын, екінші қызы мектепті тәмамдаса, кенже ұлы сүндеттелген. Осылайша, өнердегі әріптестердің басын қосқан дүбірлі тойды жасауға бірден үш айтулы оқиға себеп болған.
Мерекелік шараға Майра Ілиясова, Қайрат Нұртас және оның әйелі, RaiM мен Ерке Есмахан, Маржан Арапбаева, Айгүл Иманбаева, Жазира Байырбекова және басқа да әртістер келді. Олардың барлығы сол кеште ән айтып, би билеп, көңіл көтерді.
Мөлдір Мұқанованың өзі тойда ән айтып, үлкен қызына жаңа көлік сыйлады, сондай-ақ қуанышты сәтке ортақтасуға келген қонақтарға тойбастар ретінде гауһар тастардан жасалған бұйымдар сыйға тартылды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/personal-life/2396945-qyzyna-kolik-toibastarga-gauhar-tas-moldir-muqanova-dubirli-toi-zhasady/
