Ким Кардашьян Канье Уэсттен туған төрт баласының ескі суреттерін бөлісті

People басылымының жазуынша, реалити-шоу жұлдызы Paramount+ платформасындағы жаңа жобасының шығуына орай ұлдары мен қыздары түскен ескі суреттерді назарға ұсынып, жазба жариялады, деп хабарлады KAZ.NUR.KZ.

45 жастағы Ким Кардашьян Instagram әлеуметтік желісінде Канье Уэстпен некеде туған төрт баласының: 13 жасар Норт, 10 жасар Сейнт, 8 жасар Чикаго және 7 жасар Псалмның ескі суреттер топтамасын жүктеді.

"Күндер баяу өтеді, ал жылдар зымырап өте шығады", — деп жазды SKIMS брендінің негізін қалаушы.

Суреттер арасында отбасылық демалыс сәттері, Льюис Хэмилтонмен бірге Токиоға жасалған саяхат және Норттың Кортни Кардашьян мен Скотт Дисиктің қызы Пенелопамен түскен мұрағаттық фотосы бар.

Посмотреть эту публикацию в Instagram

Публикация от Kim Kardashian (@kimkardashian)

Бұл жазба Кардашьянның Paramount+ стримингтік сервисіндегі Team Moms: Baseball атты жаңа реалити-шоуының премьерасынан үш күн өткен соң жарияланды. PEOPLE басылымына берген сұхбатында кәсіпкер жобаны жасау идеясы құрбысы әрі жаттықтырушысы Натали Энтомен бірге Испаниядағы спорттық турнирге барған кезде туындағанын айтты.

Шоу Аризона штатының Скоттсдейл қаласындағы бейсбол мектебінде оқитын балалардың ата-аналарының өмірі туралы баяндайды. Кардашьян ұлдарының бейсболға деген қызығушылығына жаттығу процесінің ұзақтығына байланысты басында күмәнмен қарағанын, алайда олардың спорттық бастамаларын қолдауды жөн көргенін мойындады.

Мәтіннен қате тапсаңыз, бізге жазыңыз