Сандра Буллок Калифорниядағы жылжымайтын мүлкін авокадо плантациясына айналдырды

Голливуд актрисасы Сандра Буллок Калифорниядағы аумағы 37 гектар болатын жылжымайтын мүлкін фермаға айналдырды, деп жазды People басылымына сілтеме жасаған KAZ.NUR.KZ.

Актриса Сан-Диего округіндегі жерді 2007 жылы 2,72 миллион долларға сатып алған. Аумақта саман үй болған, оны Буллок түпнұсқа стилін сақтай отырып, толықтай жөндеуден өткізді. Учаскедегі басты ерекшелік – ауқымды ауыл шаруашылығы бағы болды: актриса шамамен 1200 авокадо ағашын, сондай-ақ цитрус және зәйтүн ағаштарын отырғызды.

Аумағы шамамен 550 шаршы метр болатын негізгі үйден бөлек, учаскеде қонақүй салынып, тауық қора мен бассейн бар демалыс аймақтары жабдықталды. Жылжымайтын мүлік Буллок үшін органикалық егіншілікпен айналысып, отбасымен уақыт өткізетін оқшауланған саяжай ретінде қолданылып келді.

Шығыс жағалаудағы әпкесіне жақынырақ көшкісі келген актриса 15 жыл иелігінде болған ранчоны сатылымға шығаруды ұйғарды. Нәтижесінде авокадо бағы бар жылжымайтын мүлік жаңа иесіне 5,6 миллион долларға өтті.

Мәтіннен қате тапсаңыз, бізге жазыңыз