Джон Леннонның ұлы әкесінің мұрасы туралы шындықты айтты

Джон Леннонның кенже ұлы Шон музыканттың мұрасына қатысты құқықтардың өзі мен ағасы Джулиан арасында қалай бөлінгенін айтып берді, деп жазды Hello Magazine-ге сілтеме жасаған KAZ.NUR.KZ.

Көп жылдар бойы баспасөзде және The Beatles тобының жанкүйерлері арасында топтың негізін қалаушы өсиетінде үлкен ұлы Джулианды мүлдем есепке алмай, барлық байлықты Йоко Оно мен олардың ортақ ұлы Шонға қалдырды деген пікір қалыптасқан. Алайда Шон Леннон ақшаға қатысты жанжал туралы қауесетті жоққа шығарып, Джулиан екеуі әкесінің мұрасына қатысты қаржылық құқықтарды тең бөлісетінін мәлімдеді.

Шон ағайындылар арасында ешқандай жауласу немесе қаржылық келіспеушілік жоқ екенін баса айтты. Оның сөзінше, музыкадан және Джон Леннон есімін пайдаланудан түсетін барлық табыс теңдей бөлінеді. Музыкант Джулианды кемсіту туралы қауесеттер шындыққа жанаспайтынын, ал өздерінің жақын әрі жылы туыстық қарым-қатынаста екенін атап өтті.

Джон Леннонның мұрасына қатысты оқиға ұзақ уақыт бойы рок-музыкадағы ең көп талқыланған тақырыптардың бірі болды. Әртіс 1980 жылы қайтыс болғаннан кейін, оның үлкен ұлы мұраны басқаруда тікелей үлессіз қалған еді, сол себепті 1990 жылдары сот процестері өткен болатын. Шонның мәлімдемесі отбасылық даулардың әлдеқашан реттелгенін және ағайындылардың ұлы музыканттың есімін бірлесіп басқаратынын растады.

Мәтіннен қате тапсаңыз, бізге жазыңыз