Меган Марклдың дереккөздері: Netflix оның есімін "Джентльмены" сериалының пиарына пайдаланды

Сассекс герцогинясының өкілдері сериалдың үшінші маусымындағы оның рөлі туралы қауесеттер шоуға назар аударту мақсатында таратылды деп есептейді, деп жазды The Blast басылымына сілтеме жасаған KAZ.NUR.KZ.

Гай Ричидің "Джентльмены" криминалдық сериалының үшінші маусымына Меган Марклдың қатысуы мүмкіндігі туралы келіссөздер ресми түрде тоқтатылды. The Telegraph газетінің дереккөздеріне сәйкес, Сассекс герцогинясының айналасындағылар оның Netflix стримингтік сервисімен келіссөздері туралы ақпаратты баспасөзге әдейі жариялады деп санайды.

Инсайдерлер рөлге қатысты нақты талқылаулар кастинг директорымен болған бір ғана әңгімемен шектелгенін, ал герцогиняға ресми ұсыныс түспегенін атап өтті. Марклдың айналасындағылар продюсерлер көрермен санының азаюына байланысты айлаға барғанын мәлімдеді: Ұлыбританияда екінші маусымның алғашқы эпизодын шамамен 3 миллион көрермен тамашалаған, бұл 2024 жылғы бірінші маусым көрсеткішінен 15 пайызға төмен. Бұл жағдай Сассекстердің өкілдеріне жағымсыз әсер қалдырды.

Гарри ханзадамен некеге тұрғанға дейін Меган Маркл "Форс-мажоры" сериалында Рейчел Зейн рөлін сомдаған. 2022 жылы актерлік мансабын аяқтайтыны туралы мәлімдемесіне қарамастан, ол жақында "Близкие друзья" комедиясында камео рөлін орындап, Netflix-те өз аспаздық шоуын іске қосты. Қазір герцогиня күйеуімен және балалары Арчи мен Лилибетпен бірге Ұлыбританияда тұрады, онда олар қайырымдылық және көпшілік іс-шараларға қайта қатыса бастады.

Мәтіннен қате тапсаңыз, бізге жазыңыз