Мақпал Жүнісова желіде өзін балағаттайтындарға қалай жауап береді? (видео)
Опубликовано:
Қазақтың "Ерке қызы" Мақпал Жүнісова Астана арнасының "Сырласу" бағдарламасында өзіне қатысты орынсыз әңгіме таратып, намысына тиетін сөздер жазғандарға қалай жауап қайтаратынын айтты деп жазады NUR.KZ.
Бүгінде Мақпал Жүнісованың бір миллион оқырманы бар. Әнші өзінің Instagram парақшасын өзі жүргізеді.
"Бәріне ұнаймын деп айта алмаймын. Арасында орынсыз әңгіме таратып, адамның намысына тиетін сөздер жазатын кездер болады", - деді Мақпал Жүнісова.
Әнші осындай сын пікір жазушылардың алдымен кім екенін анықтап алады. Айтатын сөздерін бетіне айтып, әңгімелескісі келеді екен. Алайда мұндай адамдардың парақшалары көбінесе "фейк" болып шығатын көрінеді.
"Өтірік парақша екенін білгеннен кейін жүрегім ауырмайтын болды. Дегенмен мені орынсыз жамандағысы келіп, көңілімді түсіргісі келгендерге "Оттамашы" деп жазып жіберемін. Мен де бір ауыз сөз айтып қалайын деймін", - деді әнші.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/scandals/1771503-makpal-znisova-zelide-zin-balagattajtyndarga-kalaj-zauap-beredi-video/