Whatsapp-тағы интим видео: Белгілі актер полицияға арыз жазды (видео)

Отандық белгілі актер Қуандық Шәкіржанов жалаңаш жатқан екі азаматтың қасына өз суретін қосып қойғандарды заң жүзінде жазаламақ. Желіде тараған видео үшін өнер иесі полицияға барып, арыз жазды деп хабарлайды KAZ.NUR.KZ.

Әлеуметтік желілер мен Whatsapp мессенджерінде тараған видеода екі ер адамның төсекте жалаңаш жатқаны көрсетілген. Бейнежазбада актер Шәкіржановтың суреті де қойылған.

"Кешегі бір оңбағанның жіберген видеосы үшін, бір жалаңаш ер адамдардың қасына менің суретімді қосып, осы адам дегені үшін қазір арыз жазып шықтым. Табылады, табамыз. Маған ұқсамайтыны да көрініп тұр ғой. Құдай сақтасын, қазақтың намысы бар жігітінің бірімін. Сондықтан ол жақын арада қолға түседі. Жазасын алады, уайымдамаңыздар. Ондай алып-қашпа видеолармен надандар, білімсіздер айналысады ғой. Олардың сана-сезімінің жеткен деңгейі солай болып тұр ғой. Бірақ, жазасын алады, оңдырмаймыз",- деді Қуандық Шәкіржанов видеоүндеуінде.

Желі қолданушылары актерге қолдау білдіріп жатыр. Олар да арам пиғылды азаматтар табылуы тиіс деп есептейді.

Мәтіннен қате тапсаңыз, бізге жазыңыз