Алматылықтар тағы жер сілкінісін сезді

Алматыда тағы жер сілкінісі сезілді. Бұл туралы KAZ.NUR.KZ тілшісі хабарлайды.

ТЖМ "Сейсмологиялық бақылаулар және зерттеулер ұлттық ғылыми орталығы" ЖШС таратқан мәлімет бойынша, жерасты дүмпулері Алматы уақыты бойынша 10:08-де тіркелді. Жер сілкінісінің ошағы Алматыдан оңтүстік-шығысқа қарай 259 шақырым жерде Қытай аумағында орналасқан. Бұл елде афтершок болған.

Магнитудасы - 5,2.

Ал Алматыда 2 балл болып сезілген.

"Зардап шеккендер мен қираулар туралы ақпарат болған жоқ. Жағдай тұрақты", - деп хабарлады ведомство өкілдері.

Төтенше жағдайлар министрлігі азаматтарға сабыр сақтап, дүрбелең салмауға кеңес берді.

Айта кетейік, бүгін, 23 ақпанда Қазақстан бойынша ауқымды сейсмикалық жаттығулар өткізіліп жатыр.

Мәтіннен қате тапсаңыз, бізге жазыңыз