"Етегін жапқан қыз байқамадым": әнші Ұланғасыр Қамиев ұнататын аруы жоқ екенін айтты (фото)

Отандық әнші Ұланғасыр Қамиев сүйіктісі жоқ екенін айтты. Өнер иесі иманы тасыған қыз таппағанын мәлім етті, деп жазады KAZ.NUR.KZ.

Желі қолданушысының бірі әншіден "Ұнататын қызың бар ма?", – деп сұраған.

Ал әнші Instagram-дағы парақшасында тыңдарманына жауап берді.

"Мен жүрген жерде етегін жапқан, иманы тасып тұрған қыз байқамадым. Сосын қайдан ұнатасың?", – деп жазды Ұланғасыр Қамиев.

Еске сала кетейік, осыған дейін Ұланғасыр Қамиев KAZ.NUR.KZ тілшісіне берген сұқбат беріп, әнші неліктен отбасылы болудан қорқақтап жүргенін айтқан болатын.

"Үйленуге дайын емеспін. Киноларды көргенде 1-2 сағат үйленгім кеп алып-ұшып жүрем де, буы тез басылады. Моральды тұрғыда дайын емеспін. 5-6 жылдан соң ғана үйленетін шығармын. Әзірге кездесіп, махаббат болып жүрген қызым да жоқ. Жеке өмірге тіпті уақыт та жоқ", - деген болатын әнші.

Мәтіннен қате тапсаңыз, бізге жазыңыз