"Сөмке емес, сауап жинасаңшы": Ерке Есмахан өзін сынаған оқырманына шүйлікті

Қазақстандық танымал әнші Ерке Есмахан желіде өзін сынға алған оқырманына жауап берді. Өнер иесі сатып алған қымбат сөмкелерін санаған ер адамға шүйлікті, деп жазады KAZ.NUR.KZ.

Ерке Есмахан Instagram-дағы парақшасында оқырмандарымен тілдесіп, оларды қызықтырған бірқатар сұраққа жауап берді.

Алайда бір оқырманы жолдаған хабарлама оның ашуына тиді. Желі қолданушысы әншіге "Сөмке емес, сауап жинасаңызшы. Маған көмектесіңіз" деп жазған.

"Құдай-ау, осылардың өмір сүруі маған міндет екен. Жазып отырған – ер адам. Менен сұрағанша тұрыңыз да, жұмыс жасаңыз. Әлеуметтік желіде неғып отырсыз? Ер адамның екі қолына жұмыс табылады. Сосын менің сауабымның қанша екенін қайдан біліп отырсыз? Сауабым сөмкемнен млн есе көп шығар? Оны білуші тек Алла. Дүниемен шектелмей, кеңірек ойланып үйренейік. Түсінген адамға баршылық та, жоқшылық та сынақ қой бұл өмірде", - деп жауап берді өнер иесі.

Мәтіннен қате тапсаңыз, бізге жазыңыз