P.Diddy түрмедегі "аста-төк өмірі" туралы ақпараттан кейін жеке камераға қамалды

The Blast басылымының жазуынша, музыкалық магнатқа Форт-Дикс федералдық түрмесінде аста-төк жағдай жасалған, алайда жанжалға байланысты ол жеке камераға ауыстырылды, деп хабарлады KAZ.NUR.KZ.

Нью-Джерси штатындағы Форт-Дикс федералдық түзеу мекемесінде проституцияға қатысты қылмыстары үшін 50 айлық жазасын өтеп жатқан америкалық рэпер әрі продюсер Шон "Diddy" Комбс жаңа даудың ортасында қалды. БАҚ мәліметінше, музыкант басқа тұтқынмен ауызша сөзге келіп, төбелескеннен кейін жеке камераға қамалған. Түрме қызметкерлері жанжалға қатысушыларды дереу ажыратып, рэперді жеке камераға жіберген.

Оқиғаға дейін баспасөзде музыкалық магнаттың темір тор артындағы ерекше өмір салты туралы мәліметтер жарияланған болатын. Дереккөздердің хабарлауынша, Комбс камераластарын жеке қызметкер ретінде жалдаған: басқа тұтқындар ақыға оның төсегін жинап, тамағын дайындап, киімін жуып, тіпті қытайша массаж жасап беріп отырған. Сонымен қатар, рэпер тыйым салынған заттарға, соның ішінде контрабандалық ұялы телефондарға, дәрі-дәрмектерге, ал демалыс күндері мекеме қызметкерлері жеткізді делінген элиталық алкогольге қол жеткізген.

Комбстың ресми өкілі мұндай айыптауларды үзілді-кесілді жоққа шығарып, жарияланымдарды асыра сілтеу деп атады және оның клиенті түрме ережелерін қатаң сақтап, апелляцияға дайындалуға назар аударып отырғанын мәлімдеді. Өз кезегінде, Форт-Дикс әкімшілігі түрме аумағына контрабанданың енуіне қарсы үздіксіз күрес жүріп жатқанын мойындады.

Мәтіннен қате тапсаңыз, бізге жазыңыз